Bodybuilding.com.mk - Вежби

Вежби

(1 Гласај)

Напишано од Administrator
Вторник, 25 Октомври 2011 16:23
Сакате ли здрав и долг живот, веднаш почнете со трчање. Ако трчате интензивно 3 до 4 часа неделно или се занимавате со еднаков спорт кој го раздвижува вашето тело ќе си го продолжите животот. Луѓето кои сакаат здрав и долг живот би требало да почнат со трчање. Ново истражување од универзитетот Stanford во Калифорнија покажало дека членовите ( со среден век ) на клубовите за џогирање имаат помали шанси да умрат во нареден период од 20 години отколку луѓето кои не трчаат. Трчањето не само што го смалува ризикот за срцевите болести туку ја спречува и појавата на Алцхајмерова болест. “Во период од 19 години умреле 15% трчачи и 34% од луѓето кои не се занимавале со ова хоби”, пишува во заклучокот на Eliza Chakravarty и нејзините колеги кои го спровеле ова истражување. “Но и било кој облик на вежби кои го раздвижуваат телото ќе имаат ист ефект како и трчањето”, вели Д-р. James Fries, еден од истражувачкиот тим. Повеќето од 300 лица кои биле вклучени во ова истражување биле трчачи и неделно посветувале повеќе од 200 минути на вежбање, додека останатите кои правеле други вежби имале само 80 минути. “Споредбено подобро е да се занимавате со трчање, затоа што скоро сите оние кои трчаат се непушачи и не конзумираат алкохол, што во старт е добар продолжеток на животот“, вели еден од истражувачите.

Забрзајте го метаболизмот

(1 Гласај)

Напишано од Administrator

Вторник, 13 Септември 2011 19:43

Вежбате и внимавате на исхраната, но со годините ви е сè потешко д аја одржите идеалната тежина. Истражувањата покажале дека помеѓу...

...6 и 18 година потрошувачката на калории во мирувања (базалниот метаболизам) опаѓа за неверојатни 25%, а по 20-тата година опаѓа во просек 2-3% во секоја деценија од животот.

За среќа, постојат начини да се одложи природното успорување на метаболизмот, а за тоа е потребно да се воведат само некои ситни трикови во животниот стил.

1. Согорете ги мастите

Бидејќи маснотиите се согоруваат во мускулите, потребно е да активирате што поголем број мускулни влакна. Скорешна студија покажала дека „нервозните“, луѓето што немаат мир и постојано некаде брзаат, трошат дури 352 калории повеќе во текот на денот, од оние што не се „нервираат“.

Со зголемување на секојдневните активности кои не спаѓаат во тренинг, но согоруваат маснотии, како што се одење, стоење, цупкање – ќе потрошите повеќе калории, ќе го забрзате метаболизмот и полесно ќе ја одржувате тежината.

Малите, чести движења можат да имаат значајно влијание на вашата комплетна дневна активност. И интензивните тренинзи се важни, да не се залажуваме. Интензивното трчање согорува повеќе калории од бавното трчање и во времето по тренингот.

Од друга страна, долгото и лесно трчање ја зголемува потрошувачката на маснотии. Со чести варирања на тренингот ќе го зголемите согорувањето на калории пред и по трчањето, позитивно ќе делувате на метаболизмот, а вашиот програм за тренинг ќе биде рамномерен.

2. Почнете да јадете

Гледајте на своето тело како на машина на која и е потребно многу масло за да работи. Затоа, почнете да јадете. Со тоа не само што ќе го забрзате метаболизмот, туку и ќе го стабилизирате нивото на шеќерот во крвта и ќе го избалансирате нивото ан хормони во телото.

Стручњаците советуваат да почнете да јадете околу еден час по будењето, а потоа јадете на секои три до четири часа, за да се забрза метаболизмот. Престанете да јадете еден час пред спиење.

3. Навалете на протеините

Протеините го забрзуваат метаболизмот многу повеќе отколку мастите и јаглените хидрати. Џвакањето, грицкањето и варењето на храната бара одредена енергија и може да согори и до 30% калории што ги има во вашиот оброк.

Што е покомлексна исхраната, повеќе калории ќе согорите. Уште една добра страна на протеините е тоа што ја содржат аминокиселината леуцин, која го спречува губењето на мускулната маса кога сте на диета.

4. Пијте вода

Истражувањата покажале дека луѓето што пијат 8 чаши вода дневно имаат 12 пати побрз метаболизам од оние што внесуваат помали количини вода. Сакате да изгубите 3 килограми годишно? Пијте секој ден половина литар вода пред појадок.

5. Тренирајте

Вклучете два до три тренинга во својот неделен програм, со цел да ја зголемите мускулната маса и така да согорите барем 50 калории повеќе во текот на денот.

Уште поважно е тоа што ќе ја одржите мускулната маса додека стареете, што одржува и добар метаболизам. Развивањето на мускулна маса е како штедење за старост, дури подоцна во потполност ќе ги искористите сите нејзини предности.

КАКО ДО МОТИВАЦИЈА ЗА ВЕЖБАЊЕ

(1 Гласај)

Напишано од Administrator
Сабота, 23 Јули 2011 17:18
Вежбањето ќе ви ја зголеми самодовербата, ќе направи да изгледате одлично, ќе ви даде повеќе енергија и ќе го подобри вашето здравје на многу различни начини. Да, да... Ретко која жена не го знае ова, но сепак останува мал бројот на жени кои редовно практикуваат физичка активност. И зошто е тоа така? Поради недостатокот на мотивацијаМотивацијата е она што треба да ве стане од кревет, да ве однесе до фитнес салата и да ве натера тоа да го практикувате редовно. Еве неколку совети кои можат да ви помогнат да ја пронајдете потребната мотивација за да го направите вежбањето дел од вашето секојдневие: Секогаш имајте цел што сакате да ја постигнете. Сакате да изгледате одлично на забавите за новогодишните празници? Сега е време да станете и да се фрлите на вежбање. Но, кога ќе помине Нова година, не застанувајте, поставете си нова цел. Многу луѓе вежбаат одреден период и потоа се откажуваат. Ќе видат дека нивниот изглед се подобрил, ќе си ја постигнат целта и губат мотив, а за неколку месеци повторно се враќаат на стариот изглед. За да го избегнете тоа, вие поставете си нова цел „Да изгледам супер на роденденската забава“, „Костимот за капење да ми стои фантастично“ или „Конечно да го запетлам цветниот фустан којшто го чувам толку долго во плакарот“. Сè додека имате цели, ќе имате и мотивација да ги постигнете. Направете вежбањето да ви биде забавно. Да, вртењето на стационарен велосипед е многу досадно, особено ако треба да го правите 30 минути. Но, секогаш има начин тоа време да ви помине позабавно. Слушајте ја вашата омилена музика, гледајте ја вашата омилена серија. Пред да трепнете, ќе изминат 30 минути. Потребно е да експериментирате. Ако мразите фитнес со справи, тогаш обидете се со нешто поинтересно како јога, Тае Бо, танцување, нешто што ќе ви даде поттик да не пропуштате ниту една сесија. Купете си облека за вежбање. Вежбањето треба да ви носи задоволство и треба да се чувствувате убаво додека го правите, а соодветната облека е првиот чекор. Освен тоа, откако ќе ја купите облеката, сигурно ќе се чувствувате лошо ако стои неискористена. Таа треба да ви даде мотивација да станете и да го оправдате направениот трошок. Ако посетувате фитнес сала, таа треба да е блиску до вашиот дом. Колку подалеку е фитнес салата, толку повеќе изговори можете да пронаоѓате за да не одите. Изберете фитнес сала која е поблиску до вашиот дом, дури и да има помалку справи и да не изгледа така модерно како некој голем фитнес центар. Побарајте си добар пример кој ќе го следите. Кога ќе влезете во фитнес сала, секогаш има два типа жени. Едните со средена фризура, а понекогаш и шминка, облечени во слатка облека која им е жал да ја испотат и жени кои само ја собрале косата со стегач и се облекле онака како што им е најудобно за вежбање и со намера што повеќе да потат. Првите ќе ги најдете да читаат списание додека лежерно вртат на велосипедот, а вторите напорно ќе се обидуваат да извежбаат на колку што е можно повеќе справи. Вие изберете си пример кој ќе го следите од втората група. Или пак нека биде тоа некој од вашето опкружување, можеби колешка која изгледа особено млада за своите години поради тоа што се грижи за себе. Најдете си партнер за вежбање. Поканете некоја ваша пријателка или колешка да ви биде партнер за вежбање. Така ќе имате со кого взаемно да се мотивирате. Но, не избирајте пријателка која знаете дека лесно се откажува. Побарајте партнерка која исто како и вас има желба да си го подобри животот преку вежбањето. Можеби и ќе решите да се натпреварувате со неа. Зависи од вашиот карактер. Не претерувајте со вежбањето уште на почетокот. Кога ќе се запиштете на часови по аеробик, не се обидувајте уште од првиот ден да ги направите сите вежби како вашиот инструктор. Истото важи ако вежбате дома, гледајќи некои видео. Ако претерате, наредниот ден нема да можете да мрднете од кревет, па лесно е да се претпостави дека мотивацијата ќе ви пропадне во вода. Клучот е во умереноста. Започнете бавно и на секои два-три дена зголемувајте ги вежбите што ги правите. Визуализирајте. Земете стари слики од деновите кога сметате дека сте биле во топ форма. Или ако немате такви фотографии, замислете си како сакате да изгледате. Секогаш кога сте на сред вежбање и немате желба повеќе да ја поткренете ниту раката ниту ногата, претставете си ја во главата најдобрата слика од себе, т.е. оној изглед кон кој се стремите. Веднаш ќе добиете поттик да продолжите за што поскоро да се гордеете со своето постигнување. http://www.gladijatori.com/%_a564.html

ВЕЖБИ ЗА УБАВ СТРУК

(5 Votes)

Напишано од Administrator

Понеделник, 31 Јануари 2011 12:49

Постојано се споредувате со другите девојки и си велите дека не изгледате убаво. Редно време е да направите несшто во врска со тоа и да добиете тело и струк за кое од секогаш сте сакале да имате.

Еве неколку вежби кои ќе ви помогнат во таа цел.

Вежба 1

Застанете исправено. Раширете ги стапалата во должина на рамената. Со десната рака обидувајте се да го дофатите подот, а со левата таванот. Останете во таа позиција неколку секунди и променете ја страната. Повторете ја вежбата 10 пати.

Вежба 2

Останете во истата позиција. Кренете ги рацете над главата колку што можете. Свиткајте ги зглобовите се додека дланките не станат паралелни со таванот. Во таа позиција, истегнете се најмногу што можете, но држете ги нозете цврсто на земјата. Повторете ја оваа вежба 10 пати.

Вежба 3

Седнете на подот. Прекрстете ги нозете. Потпрете се на левата рака, а лакотот подвиткајте го. Десната рака кренете ја над главата и тегнете се на левата страна се додека не почувствувате затегнување на десната страна од струкот. Останете во таа позиција неколку секунди. Направете ја истата вежба за левата страна. Повторете ја вежбата 6 пати.

За видливи резултати повторувајте ги вежбите секој ден, еден месец.http://www.gladijatori.com/%D1%81_a519.html

КЛЕКНУВАЊЕ СО ШИПКА ПРЕД ГРАДИ

(0 Votes)

Напишано од Administrator

Среда, 24 Ноември 2010 12:26

Ова е малку послаба варијанта. Кај него придржувањето на шипката е малку по тешко и поради тоа користените тежини се послаби. Можеби поради тоа оваа варијанта е помалку користена. Меѓутоа има една улога повеќе за разлика од шипката на рамена:oптеретувањето паѓа врз квадрицепсот.

Како што споменавме основен проблем кај оваа варијанта е балансирањето на шипката пред градите. Постојат две варијанти за нејзино правење: Едната варијанта е прекрстување на рацете преку шипката. Тука треба да се дигнат лактите и да се внимава да не се истркала шипката за време на клекнување. А другата варијанта е без прекрстување на рацете, каде придржувањето на шипката се врши со помош на дланките.

Одберете ја подобрата варијанта која повеќе Вас ви одговара!

http://www.gladijatori.com/kleknuvanje-so-sipka_a67.html

Повеќе Артикли...

<< Почеток < Пред 1 2 3 4 5 6 7 Следно > Крај >>

Лист 1 од 7