Лимонот е важен поради тоа што го јакне имунитетот, содржи витамин Ц и антиоксидант. Спаѓа во најздравите и најделотворните „чистачи“ на организмот кој ја враќа       виталноста, енергијата и витката линија.

Тешката храна честопати е една од главните причини за замор, промена на расположението и појава на вишок на килограми. Детоксикацијата со лимон вклучува зголемена конзумација на лимон , не е агресивна за телото, како другите монодиети и е доста едноставна за примена.

Лимон диетата како план за детоксикација ја промовирал Stanley Burroughs и ја нарекол „Master Cleanser“ или диета со лимонада, а нејзината популарност трае од 40-тите години на минатиот век. Детоксикацијата со лимон се темели на зголемена употреба на лимонов сок – лимонада, но вклучува и внесување на зеленчук, риба, семени плодови, мешунки.

Заради тоа не станува збор за класична монодиета, а губитокот на килограми изнесува еден килограм за една недела. Најголемата придобивка од ваквиот начин на исхрана е враќањето на енергијата.

Детокс – лимонада

- 1 лимон

- 300 мл вода

- една мала лажичка мелен цимет

- малку лута пиперка

- мала лажичка мед

Доручек

- 1 дл лимонада

- 1 јаболко

- 1 круша

- јогурт со низок процент на масленост

- малку јаткасти плодови

- 100 гр шумско овошје ( боровница, црна рибизла, малина, јагода)

Меѓуоброк

- 1 дл лимонада

- 1 банана

- малку семки или сончоглед

Ручек

- мала порција варени мешунки со исцеден лимон

- 1 дл лимонада

- малку сушено овошје

Вечера

- риба на скара

- варен зеленчук

- 1 дл лимонада