Велосипедизмот го продолжува животот за пет години PDF Печати Е-пошта
(2 Votes)
Напишано од Administrator   
Петок, 16 Септември 2011 18:10
Лицата кои дневно по 30 минути возат велосипед го намалуваат ризикот за срцев удар за 82 отсто, додека ризикот за прерана смрт од било која здравствена причина се намалува за повеќе од 50 отсто, тврдат експертите.


Научниците исто така наведуваат дека лицата кои возат велосипед на минимум го сведуваат ризикот од смрт од било која причина. Лицата кои брзо го возат велосипедот и вложуваат поголем напор, живеат и до пет години подолго од оние кои возат бавно, открива 20-годишната студија на универзитетската болница Биспебјер Копенхаген.

Мажите кои возат со просечна брзина живеат 2,9 години подолго, додека жените живеат 3,9 години подолго од оние кои возат побавно. Брзите велосипедисти кои минуваат повеќе од еден час на ден на велосипед, имаат најдобри шанси да ја избегнат прераната смрт од било кои здравствени причини, тврдат научниците. 


- Истражувањето покажува дека поголем дел од дневните активности треба да бидат силни, но согласно сопствените физички способности, вели авторот на студијата Петар Шор.

Редовната активност го намалува ризикот од низа здравствени проблеми, вклучувајќи го и дебелеењето, депресијата и болестите на срцето. Сепак, ако сега почнувате со вежбање треба да тргнете со полесно темпо затоа што преголемиот напор може да предизвика срцеви проблеми, тврди Петер Вајнсбег од британското здружение „Срце“.